Поранешниот фудбалер на Вардар, Влатко Гроздраноски, денеска вторпат стана татко. Тој на „Фејсбук“ се пофали дека сопругата Христина родила ќерка, која ќе се вика Ива.
– Денес, 18 ноември 2020, по втор пат станав татко. Мојата сопруга на свет ја донесе нашата втора ќеркичка Ива. Мила си доби сестричка. Да си жива и здрава ќерко, напиша Влатко.
Неговата прва ќерка Мила се роди лани, на 36. роденден на фудбалерот. Влатко, кој играше за репрезентацијата на Македонија, и Христина, која е поранешен модел, се во брак од 2016 година.
Извор: Репортер.мк