Кристијано Роналдо синоќа успеа да постигне нов гол во победата на Манчестер Јунајтед против Брентфорд (3:0).

„Црвените ѓаволи“ го одиграа последниот натпревар пред своите навивачи за оваа сезона и успеаја да стигнат до нови три бода и да ги задржат шансите за пласман во Лигата на шампионите на крајот од сезоната.

Манчестер Јунајтед славеше со 3:0, а головите во синоќешната победа ги постигнаа Бруно Фернандеш, Рафаел Варан и Кристијано Роналдо.

Роналдо успеа да постигне гол за 2-0 од пенал во 61. минута од натпреварот, а за Португалецот ова беше 18. гол оваа сезона од Премиершип, со што е далеку пред соиграчите.

Cristiano Ronaldo goal vs Brentford | Elanga Running before the Penalty to Celebrate pic.twitter.com/XBtoIqiZc3

— It's a Goal (@Its_a_Goal_) May 2, 2022

Но, еден детал беше особено интересен синоќа. Имено, уште пред Роналдо да го изведе пеналот, неговиот соиграч Ентони Еланга веќе почна да слави.

Elanga was already running to celebrate with Ronaldo even before Ronaldo scored the penalty. 😂❤️ pic.twitter.com/soERHsrSKZ

— CristianoXtra (@CristianoXtra_) May 2, 2022

Еланга почна да трча кон корнер знаменцето каде Роналдо нормално слави голови, а прв го поздрави соиграчот бидејќи очигледно беше сигурен дека нема да промаши удар од белата точка.