Кошаркарскиот клуб од Кавадарци Еуро Никел продолжи да го засилува тимот за новата сезона, во која ќе влезат пак со високи амбиции.
Екипата која се бореше во финалето на Првата лига против актуелниот шампион МЗТ Скопје, го промовира Џордан Калахан како ново име.
Американецот кој минатата сезона настапуваше за Пелистер пристигна во Кавадарци и ќе биде сериозно засилување за Самарџиец во Еуро Никел.
Кавадарчани беа едно од најпријатните изненадувања минатата сезона, па се очекува да бидат конкурентни и во новата.
Веќе во Еуро Никел пристигнаа Ивица Димчевски, Бранислав Ѓекиќ и Тео Атанасов, а ќе остане и најдобриот поединец, Дарко Соколов.