Лос Анџелес Лејкерс успеа да ја комплетира мисијата за задржување на дел од важните играчи за ростерот и наредниот период, постигнувајќи договор со Д’Анџело Расел и Остин Ривс.
Расел прифатил двегодишен договор вреден 37 милиони долари, додека Ривс за четири сезони ќе може да заработи 56 милиони долари.
Ривс првата сезона ќе заработи 12,4 милиони долари, а потоа секоја наредна ќе добива покачување за 8 проценти, за вкупни 56 милиони долари.
Лејкерс успеаја да го задржат момчето кое се истакна со просекот од 13 поени, 3 скокови и 3,4 асистенции по натпревар и од него очекуваат да биде сериозна поддршка за екипата предводена од Џејмс и Дејвис.Претходно, Лејкерс објавија дека ја продолжиле соработката и со Риу Хачимура.
