Кошаркарките на Соединетите Американски Држави со максимални три победи ја завршија групната фаза на олимпискиот турнир.
Во најсилниот испит во групната фаза, Американките ја совладаа Франција со 93-82 и со позитивни вибрации ќе влезат во четвртфиналето.
Вилсон со 22 и Стјуарт со 17 поени беа најдобри во победничкиот табор, а Мием со 15 и Груда со 12 поени се истакнаа кај поразената селекција.
Јапонската селекција запиша убедливо победа против Нигерија со 102-83 и заврши на второто место зад Американките во Б групата. Најефикасни кај домашната селекција беа Хајаши со 23 и Нијазава со 19 поени, а Макулај со 18 поени беше најдобра кај нигерискиот состав.
Со оглед на системот на натпреварување, веројатно и Франција како една од најдобро третопласираните ќе се квалификува во четвртфиналето.
Селекциите на Шпанија, Србија и Канада од А групата и Кина и Белгија од Ц групата исто така обезбедија четвртфинале.