Тренерот на кошаркарите на Реал Мадрид, Пабло Ласо, го продолжи договорот со „кралскиот клуб“ до лето 2023 година.
Ласо изминатата деценија ја мина на клупата на мадридскиот клуб и под негово водство Реал освои рекордни 20 трофеи.
Минатата сезона Реал, сепак, остана без титула, откако беше елиминиран во плејофот во Евролигата во пет натпревари од Ефес, додека во шпанското првенство загубија во финалето од Барселона.
