Светот на кошарката беше шокиран од веста дека тренерот на Реал Мадрид, Пабло Ласо доживеа срцев удар, а нови информации за неговата состојба пристигнаа од главниот град на Шпанија.
Според информации од Реал Мадрид, Ласо е префрлен на одделот за интензивна нега каде е под лекарска контрола.
„Нашиот тренер Пабло Ласо попладнево беше подложен на катетеризација. Тој е во стабилна состојба, а ноќта ќе ја помине под опсервација на одделот за интензивна нега на Универзитетската болница „Санитас ла Моралеха“, стои во соопштението.
Да потсетиме, на Ласо му се слоши ден откако ги одведе „кралевите“ до водство од 2-0 против Басконија во Ендеса лигата, по што уредно одржа прес-конференција. Но, откако се разбудил рано во неделата наутро почувствувал потешкотии, поради што бил префрлен во болница, но, за среќа, е надвор од животна опасност.