Вршителот на должноста романски премиер Лудовик Орбан денеска соопшти дека заминува во самоизолација бидејќи бил во контакт со сенаторот Вергил Читаку, кој бил позитивен на коронавирус.
Двајцата вчера учествувале на состанокот на Постојаното национално биро на Национално-либералната партија, пренесе агенцијата Аџерпрес.
Орбан кажа дека ќе биде во самоизолација и дека нема да учествува на консултациите со претседателот Клаус Јоханес за именување на нов мандатар за премиер.
Орбан додаде дека сите членови на Постојаното национално биро на Национално-либералната партија ќе бидат во самоизолација во своите домови.
