Познатата веб страна „Хупер“ која се занимава со рејтингот на маркетинг случувањата на социјалните мрежи направи елаборат за личностите кои имаат најголеми бенефиции од објавините на Инстаграм, а бројките кои ги добивме се навистина фрапантни.
Во спортската сфера, Роналдо е убедливо најпопуларен поради тоа што има дури 173 милиони следбеници, а со оглед на тоа што профилот го користи и за маркетинг, Португалецот заработува по 873 илјади евра од секоја објава на Инстаграм.
Втор на оваа фамозна листа е Бразилецот Нејмар кој за секој свој пост на оваа социјална мрежа инкасира по 647 илјади евра, а пиедесталот го комплетира Лионел Меси кој со оглед на тоа што е поповлечен на друштвените мрежи, заработува 581 илјади евра.
Иако со години е пензионира, високо на листата како четвртопласиран котира Дејвид Бекам кој заработува по 320 илјади евра за секоја своја објава, а потоа следат Леброн Џејмс (243), Роналдињо (229), Герет Бејл (195), Златан Ибрахимовиќ (179), Вират Кохли (175) и Луис Суарез кој ја комплетира топ 10 листата со заработка од 164 илјади евра.
Глобално гледано, Кајли Џенер е најпопуларна личност на социјалните мрежи и за секоја своја публикација добива по 1 милион и 135 илјади евра, следи Аријана Гранде со 893 илјади евра, додека на третото место е токму Кристијано Роналдо со своите 873 илјади евра по објава на Инстаграм.
Поврзани вести
Били Ајлиш се пофали со новата боја на косата, ја споредија со временската прогноза (ФОТО)
Навивач се појавил до Меси со дрес на Роналдо, погледнете ја реакцијата на Аргентинецот (ВИДЕО)
