СВР Тетово поднесе кривична пријава против правно лице – угостителски објект од с.Желино, тетовско и А.А.(30) од с.Боговиње, тетовско, како одговорно лице во објектот, поради постоење основи на сомнение за сторено кривично дело „непостапување според здравствените прописи за време на епидемија“.
На 31.12.2020 околу 23.00 часот, при извршена контрола од страна на полициски службеници од Полициското одделение Жеровјане, било констатирано дека угостителскиот објект работел по пропишаното време и во него биле затекнати тројца гости.
