Кој уште не сака переци? А само замислете кога се чоколадни, сочни, со малку крупна морска сол врз глазурата! Сѐ што треба да направите е да уживате…

Состојки:

250 гр брашно
50 гр мелени бадеми
125 гр путер
пет лажици кафеав шеќер
една лажичка прашок за пециво
ванилин шеќер
прстофат сол
поголемо јајце

За глазурата:

100 гр чоколадо
две лажици масло
крупна морска сол

Подготовка:

Измешајте ги брашното, прашокот за пециво, мелените бадеми, путерот, шеќерот, ванилин-шеќерот, прстофат сол и изматеното јајце, па замесете ронливо тесто. Оставете го малку да одмори, а потоа со рака извадете малку од смесата, направете стапчиња со големина на молив и формирајте переци. Се пече во рерна на 180 степени десет минути. Во меѓувреме направете глазура од чоколадо и масло, па потопете ги переците, ставете ги на плех обложен со хартија за печење, посипете со малку сол и оставете да се изладат.