Потребни ви се неколку состојки и малку време

Кој може да одолее на кремастите чоколадни колачи? Воодушевете го вашето семејство со ова одлично задоволство што може да се направи за миг. Идеална опција е и ако очекувате гости или ако сте почетник во кујната.

Состојки:

800 гр засладено кондензирано млеко

680 гр чоколадо

1 лажица несолен путер

прстофат сол

1 лажичка екстракт од ванила

Подготовка:

Измешајте ги чоколадото, кондензираното млеко, путерот и солта, па стопете ги сите состојки на тивок оган. Мешајте цело време за да не се создаваат грутки.

Во добиената смеса додадете ја ванилата и измешајте. Потоа истурете ја смесата во калап обложен со хартија за печење. Покријте со алуминиумска фолија и ставете во фрижидер додека не се стегне, по можност преку ноќ.