Животот на Маршалот Јосип Броз Титот се уште е топ тема во регионот. Интересно е што малкумина знаат дека маршалот се опуштал со виски старо 20 години и пушел цигари од Хавана, а кога е храната во прашање, тој не бил многу пребирлив. Според неговиот последен батлер, Јоже Осели, на југословенскиот претседател секогаш му сервирале различно месо, прилози и салати, а тој самиот си го ставал во чинија она што сакал да го јаде во моментот.

Исто така тој имал омилен колач што во некои места во Србија можете и да нарачате токму од Титовиот колач.

Еве како да го подготвите:

4 жолчки

200 г шеќер

5 лажици ладно кафе

100 г мелени ореви

5 лажици брашно

3 лажици масло

1 прашок за печиво

шлаг од 5 белки

ЗА ФИЛ 1:

400 мл млеко

5 лажици брашно

2 жолчки

ЗА ФИЛ 2:

230 г путер

10 лажици шеќер

100 г растопено чоколадо за готвење

1 ванилин шеќер (или екстракт)

ПОСТАПКА:

Одвојте ги белките од жолчките. Во белките додадете 100 г шеќер и измиксајте со миксер во цврст снег.

Во жолчките додадете исто така 100 г шеќер и миксајте. Потоа додадете 5 лажици ладно кафе, 100 г ореви, 5 лажици брашно, 3 лажици масло, 1 прашок за печиво и смесата од белки.

Мешајте полека со лажица за да остане смесата воздушеста. Ставете да се пече во загреана рерна на 200 степени околу 20-25 минути (плех со димензии 32х23х5)

Фил 1: Во 400 мл млеко додадете 5 лажици брашно и 2 жолчки и гответе со постојано мешање додека да згусне. Оставете целосно да излади.

Фил2: во 230 г путер на собна температура додадете 10 лажици шеќер, 100 г топено чоколадо и 1 ванилин шеќер. Пенасто изматете и спојте го со првиот фил.

Врз изладениот колач нанесете го филот и одозгора премачкајте со шлаг пена.

*на крај во останува една белка, таа можете да ја искористите за појадок или нешто друго.