Чоко моко тортата е омилен десерт за многумина, а сега да направите и посна варијанта која е исто толку вкусна. Брзо и лесно се прави, а најдобро од сè, нема да треба да го вклучувате шпоретот. Идеален е за славска трпеза.

Состојки:

1 пакување розен кори
500 мл чоколадно млеко од соја
600 гр посна мелена плазма
250 гр маргарин
200 гр шеќер во прав
400 гр шлаг со вкус на ванила

Подготовка:

Изматете го омекнатиот маргарин со шеќерот во прав, па додадете го млекото од соја и плазмата. Сè убаво измешајте за да се добие компактна смеса. Во посебен сад изматете го шлагот според упатството на кесичката со вода.

Првата кора ставете ја на дното тавата, прелијте ја со фил, па со шлаг. Постапката повторувајте ја додека не го потрошите целиот материјал, а тортата украсете ја со преостанатиот шлаг. Ставете го во фрижидер 2-3 часа да се стегне, па исечете го на парчиња со саканата големина и послужете.