Ќе се согласите дека ниту еден ручек не е целосен додека не изедете нешто „на лажица“, а сезоната на вкусни домати е идеална за да си направите вкусна и кремаста супа за себе и вашето семејство.

Оваа супа од домати е ароматична и полна со вкус, а најдобро од сè е што се подготвува многу брзо.

Зачините, зеленчукот и доматите, како главни состојки на оваа супа, одлично ќе се вклопат.

Состојки:
– 500 гр. свежи домати;

– 1 главица кромид;

– 4 чешниња лук;

– 1 лажица брашно;

– сол;

– бибер;

– 1 лажица шеќер;

– 1 лажица мелени пиперки;

– магдонос;

– масло;

– зачини по вкус;

– 4 лажици тост-леб;

– босилек.

Подготовка:

Исечете ги доматите и ставете ги во врела вода кратко време. Потоа ставете ги во ладна вода и излупете ги, па исечете ги на коцки.

Кромидот и лукот исчистете ги и ситно исечкајте ги.

Во тава истурете малку масло и кога ќе се загрее, прво ставете го кромидот да се динста, а потоа додадете лажица брашно, домати и шеќер.

Мешајте додека не се соедини.

Доматите прелијте ги со вода, намалете ја температурата и оставете ги да динстаат додека не омекнат. Потоа додадете ги зачините.

Додека се готви супата, препечениот леб исечкајте го на коцки, па зачинете го по вкус и ставете го во рерна на 180 степени неколку минути.

Послужете ја супата топла, украсете ја со босилек и ставете малку крцкаво лепче.

На здравје!

извор: karmi.tocka.com.mk