Судот во Лас Вегас препорачал да се одбие тужбата против Кристијано Роналдо за силување, што претставува големо олеснување за португалскиот фудбалер.
Ѕвездата на Манчестер Јунајтед веќе некое време се бори со обвинението кое го изнела Кетрин Мајорга, девојката која го шокираше светот со информациите дека била жртва на силување во Лас Вегас во 2009 година.
Сепак, синоќа се случил многу важен момент во овој случај. Судот со САД предложи отфрлање на тужбата на сметка на Кристијано Роналдо.
The civil case relating to an allegation of sexual assault against Cristiano Ronaldo has been recommended for dismissal https://t.co/nc45KPYDsg
— James Ducker (@TelegraphDucker) October 7, 2021
“Задоволни сме со деталниот преглед на судот за оваа тема и подготвеноста праведно да го примени законот и да препорача отфрлање на предметот против господинот Роналдо”, соопшти адвокатот на фудбалерот, Питер С. Кристиансен.
Мајорга го обвинила Роналдо за силување кое се случило во хотелска соба во Лас Вегас во 2009 година. Неколку месеци подоцна постигнала договор со Роналдо и Португалецот ѝ исплатил 375.000 фунти.