Еуро Никел успеа да донесе и две засилувања од странство кои без проблем ќе бидат регистрирани, и тоа Џексон Дубински и Мек Смит.
Дубински е добро познат на кавадаречката спортска јавност, станува збор за американски плејмејкер кој со успех ги бранеше боите на Еуро Никел пред неколку сезони, тој ја мина ланската сезона во Грција, а сега донесе одлука да се врати во мак-баскетот.
Смит настапува на позициите два и три, тој ланската сезона беше дел од Академија ФМП, а добрите игри за скопскиот клуб беа препорака за негов трансфер во Еуро Никел.
Кавадарчани претходно го потпишаа и Стефан Глигоријевиќ од Куманово, нови договори имаат и Соколов, Караколев и Младеновиќ, а шанса ќе им биде дадена и на младите Тоше Златев, Никола Бојчев и Андреј Чадамов.
