Сите воспитно-образовни институции во Црна Гора од денеска во следните 15 денови ќе бидат затворени со цел превентивна и благовремена заштита на здравјето на децата, наставниот и другиот кадар, иако во земјата официјално не е потврден ниту еден случај на новиот коронавирус.
Според црногорските медиуми, за време на мерката, еден од родителите, старателите или самохраниот родители на дете до 11 години ќе има право на платено отсуство. Тоа важи за сите освен за вработените во здраствениот сектор.
Црногорската Влада соопшти дека додека не се одржува настава, медиумите ќе ги пренесуваат наставните содржини.
