Еве што може да влезе во кафето за време на процесот на производство и мелење

Како што кесичките со чај содржат различни инсекти, така и меленото кафе.

Само што овој пат се работи за бубашваби.

Имено, доктори од Обединетото Кралство откриле што можете да најдете во меленото кафе.

Доктор по име Каран Раџ вели дека постои можност меленото кафе да содржи мал процент на лебарки, како и други инсекти.

Американската агенција за храна и лекови спровела студии кои покажале дека до 10 проценти од зрната кафе се инфицираат со лебарки и други инсекти. Машините за печење и мелење кафе не се во можност целосно да ги обработат, па инсектите само се пржат и се мелат во зрна.

Оваа агенција дозволува одредена количина на делови од инсекти во нашата храна се додека таа не надминува одреден процент.

– Ако сте алергични на бубашваби, јас би се држел настрана од меленото кафе – објасни Каран.

Тој додава дека е речиси невозможно целосно да се заштитат складираните зрна кафе од инсекти, и нивните остатоци се мелат заедно со кафето.