Кафето ќе ви го забрза метаболизмот, а доколку редовно вежбате и правилно се храните, многу брзо линијата ќе ја доведете до совршенство.

Нутриционистката Лиза Ричардс нагласува дека најдобро е да се држиме до обичното, црно кафе без додадено млеко и шеќер, бидејќи на тој начин внесуваме непотребни калории. Таа исто така советува еднаш дневно да додавате малку цимет во кафето.

На личен пример, таа утврди колку е моќно кафето во комбинација со цимет. Имено, секое утро таа додавала по една кафена лажичка од овој зачин во својот омилен пијалок.

За еден месец забележала значителна разлика во тежината.

Таа успеа да ослабе шест килограми и да се ослободи од салото кое со години го имала на стомакот.

– Циметот ја поттикнува термогенезата во организмот и на тој начин доведува до топење на масните наслаги – објаснува Ричардс.

– Тоа е процес на загревање на телото и може да доведе до тоа да согориме повеќе калории. Освен тоа, циметот е природна опција за стимулирање на термогенезата и секако е подобар избор од разни суплементи кои можат да го направат истото – истакнува таа. Напоменува и дека ова не е волшебна напивка и дека резултатите нема да бидат видливи без корекција на исхраната и воведување физичка активност.