Посните палачинки се исто толку вкусни како оние кои се прават со јајца.
Посните палачинки се воздушести и меки, а се прават лесно и брзо, со само неколку состојки. Тие се идеален десерт за посни денови.
Состојки:
500 мл вода
300 грама брашно
1/2 лажичка сол
2 кесички ванилин шеќер
3 лажици масло
1 лажичка прашок за пециво
Џем или друг посен намаз по ваш избор
Подготовка:
Во поголем сад прво измешајте ги сите суви состојки. Потоа полека додавајте вода и матете со миксер цело време.
На крајот додадете го маслото и сè добро измешајте.
Загрејте ја тавата, намачкајте ја со малку масло и печете ги палачинките од двете страни.
Кога ќе бидат готови премачкајте ги со џем или друг посен намаз.
