Како гром од ведро небо одекна информацијата дека капитенот на репрезентацијата на Португалија, Кристијано Роналдо, е заразен со смртоносниот вирус Ковид-19.
Сепак, предводникот на актуелниот европски шампион, Фернандо Сантош, откри дека ѕвездата на Јувентус е во добра здравствена состојба и дека сакал да биде во комбинација за дуелот против селекцијата на Шведска.
-Добро се снаоѓа во ситуацијата. Седи во неговата соба и вели дека сака да игра. Ни зборува од горе, од балконот. Добар е, нема никакви симптоми и воопшто нема идеја како му се случило ова, откри Сантош.