Кетогената исхрана покрај тоа што може да ви помогне успешно да ослабете, многу често се користи и како режим на исхрана кај одредени заболувања. Постојат студии кои велат дека со кето режим на исхрана може да се контролираат епилептичните напади кај деца, исто така овој начин на исхрана низ светот се користи и како ајдувантна терапија кај третман на канцер (успешно спречува пролиферација на канцер клетките).

Првото прашање кое си го поставуваме кога започнуваме со некој режим на исхрана е што смееме да јадеме, а што не?!

Кога е во прашање кето исхраната секогаш кога бирате намирници, давајте им предност на оние кои имаат помалку од 5 g јаглехидрати во 100 g производ.

Многу е битно кога сте на low carb исхрана да внесувате доволно масти, затоа што телото енергијата која му е потреба ја користи од нив, тие имаат голема енергетска густина. Протеините се задолжителни во кето исхрана, но сепак тие не се толку енергетски богати и не се препорачуваат да се внесуваат во количина поголем од 1.5 g на килограм телесна тежина. Ако имате пример 70 килограми, тоа се околу 100 g протеини дневно.

1 g протеини = 4 kcal/ 100 g = 400 kcal

400 калории е многу мала енергија од вкупниот дневен внес кој зависи од тоа што сакате да постигнете, дали сакате да слабеете или не. Но, сепак некои си 1500 калории се некоја средна вредност која би требало да ја внесувате без разлика која ви е целата (енергија потребна за базален метаболизам и минимално движење).

Доколку 400 калории внесете од протеини другите 1100 калории би требало да бидат од масти и многу мал дел од јаглехидрати. Доколку внесувате под 25 g, пример 20 g дневно тоа ви се уште 80 калории плус затоа што исто како и протеините 1 g јаглехидрати содржи 4 калории. И имате 1000 калории кои треба да ги внесете од масти.

1 g масти = 9 kcal

1000 калории поделено на 9 е 111 g. Тоа е количината на масти кои би требало да ги внесете во текот на еден ден.

Ќе се обидам да ви направам краток и јасен преглед на дозволените намирници во кето исхранат.

Овошје и зеленчук

Зеленчук: зелена салата, рукола, зелка, блитва, кељ, спанаќ, авокадо, кинеска зелка, лист од целер, патлиџан, печурки, ротквица, тиквица. Можете да јадете и цвекло, морков и кромид, но во помали количини затоа што содржат доста шеќер.

Овошје: јагоди, малини и рибизли (тие содржат најмалку шеќери)

Месо и риба

Од месо можете да јадете се. И многу е важно да не бирате посни меса затоа што тие содржат многу малку масти. Можете да јадете: телешко, пилешко, мисиркино, свинско, јагнешко. Од риби исто така можете да јадете било какви: лосос, скуша, туна, сардина, но и морски плодови.

Млеко јајца и млечни производи

Можете да јадете: јајца, путер, урда, меки сирења и тоа моцарела, горгонзола, гауда, а од тврдите чедар, пармезан и некои слични кои содржат многу малку јаглеглехидрати. Можете да јадете и полномасна павлака, грчки јогурт, рикота, маскапоне, но со нив бидете внимателни затоа што сепак содржат и некој процент на јаглехидрати.

Останати производи

Кокосово масло, маслиново масло, маслинки, сенф, зачини, псилиум, кафе, чаеви. Сите напитоци треба да се пијат незасладени. Единствено можете да користите стевиа.

Можете да јадете и бадеми, лешници, ореви, бразилски ореви и слично, но со нив не претерувајте затоа што сепак содржат многу калории.

Од семките можете да јадете чиа семе, ленено семе, семки од тиква, сусам но и со нив бидете внимателни и не претерувајте.

Рецепти и варијанти на оброци кога сте на кето исхрана има многу. Треба само добро да му “навлезете” на режимот и да научите да ги научите да ја комбинирате храната.

Јајце со салата, месо или риба со салата се секогаш оброци од избор, но можете да јадете и омлет со сирење или павлака, урда со семиња, да си направите некои кето мафини или кето лепче.